teri mi’ad-e-gham puri hui ai zindagi KHush ho

tirī mī’ād-e-ġham puurī huī ai zindagī ḳhush ho

qafas TuuTe na TuuTe maiñ tujhe āzād karatā huuñ

maiñ apne dil kā mālik huuñ mirā dil ek bastī hai

kabhī ābād karatā huuñ kabhī barbād karatā huuñ

mulāqāteñ bhī hotī haiñ mulāqātoñ ke ba.ad aksar

vo mujh ko bhuul jaate haiñ maiñ un ko yaad karatā huuñ

ḳhudī kī ibtidā ye thī ki apne aap meñ gum thā

ḳhudī kī intihā ye hai ḳhudā ko yaad karatā huuñ

jafā-kāro mirī mazlūm ḳhāmoshī pe sunte ho

Thahar jaao zarā dam lo abhī fariyād karatā huuñ

butoñ ke 'ishq meñ khoyā gayā huuñ varna ai 'aḳhtar'

ḳhudā shāhid hai maiñ aksar ḳhudā ko yaad karatā huuñ

teri mi’ad-e-gham puri hui ai zindagi KHush ho

qafas TuTe na TuTe main tujhe aazad karata hun

main apne dil ka malik hun mera dil ek basti hai

kabhi aabaad karata hun kabhi barbaad karata hun

mulaqaten bhi hoti hain mulaqaton ke baad aksar

wo mujh ko bhul jate hain main un ko yaad karata hun

KHudi ki ibtida ye thi ki apne aap mein gum tha

KHudi ki intiha ye hai KHuda ko yaad karata hun

jafa-karo meri mazlum KHamoshi pe sunte ho

Thahar jao zara dam lo abhi fariyaad karata hun

buton ke 'ishq mein khoya gaya hun warna ai 'aKHtar'

KHuda shahid hai main aksar KHuda ko yaad karata hun