ji chahe tu shisha ban ja ji chahe paimana ban ja

jī chāhe tū shīsha ban jā jī chāhe paimāna ban jā

shīsha paimāna kyā banñā mai ban jā mai-ḳhāna ban jā

mai ban kar mai-ḳhāna ban kar mastī kā afsāna ban jā

mastī kā afsāna ban kar hastī se begāna ban jā

hastī se begāna honā mastī kā afsāna banñā

is hone se us banñe se achchhā hai dīvāna ban jā

dīvāna ban jaane se bhī dīvāna honā hai achchhā

dīvāna hone se achchhā ḳhāk-e-dar-e-jānāna ban jā

ḳhāk-e-dar-e-jānāna kyā hai ahl-e-dil kī aañkh kā surma

sham.a ke dil kī ThanDak ban jā nūr-e-dil-e-parvāna ban jā

siikh 'zhīn' ke dil se jalnā kaahe ko har sham.a pe jalnā

apnī aag meñ ḳhud jal jaa.e tū aisā parvāna ban jā

ji chahe tu shisha ban ja ji chahe paimana ban ja

shisha paimana kya banna mai ban ja mai-KHana ban ja

mai ban kar mai-KHana ban kar masti ka afsana ban ja

masti ka afsana ban kar hasti se begana ban ja

hasti se begana hona masti ka afsana banna

is hone se us banne se achchha hai diwana ban ja

diwana ban jaane se bhi diwana hona hai achchha

diwana hone se achchha KHak-e-dar-e-jaanana ban ja

KHak-e-dar-e-jaanana kya hai ahl-e-dil ki aankh ka surma

shama ke dil ki ThanDak ban ja nur-e-dil-e-parwana ban ja

sikh 'zhin' ke dil se jalna kahe ko har shama pe jalna

apni aag mein KHud jal jae tu aisa parwana ban ja