jo hain aashna sirr-e-asrar ke

jo haiñ āshnā sirr-e-asrār ke

vo haiñ yaar har yār-o-aġhyār ke

añdherā ujālā nihāñ aur 'ayāñ

ye jalve haiñ sab jalva-e-yār ke

bahār-o-ḳhizāñ ham pe hai ek-sāñ

kabhī yār-e-gul haiñ kabhī ḳhaar ke

idhar kī nahīñ jānte rasm-o-rāh

mīyāñ ham to bāshinde haiñ paar ke

binā toḌ hastī kī le ganj-e-vasl

baḌā ganj hai zer dīvār ke

kahāñ se kahāñ le ke pahuñchā ye dil

malā.ik jahāñ se rahe haar ke

nahīñ qais-o-farhād sā maiñ 'niyāz'

ki huuñ gard-o-sahra-o-kuhsār ke

jo hain aashna sirr-e-asrar ke

wo hain yar har yar-o-aghyar ke

andhera ujala nihan aur 'ayan

ye jalwe hain sab jalwa-e-yar ke

bahaar-o-KHizan hum pe hai ek-san

kabhi yar-e-gul hain kabhi KHar ke

idhar ki nahin jaante rasm-o-rah

miyan hum to bashinde hain par ke

bina toD hasti ki le ganj-e-wasl

baDa ganj hai zer diwar ke

kahan se kahan le ke pahuncha ye dil

malaik jahan se rahe haar ke

nahin qais-o-farhad sa main 'niyaz'

ki hun gard-o-sahra-o-kuhsar ke