یا شاہ_شرف_احمد یحیائے_منیری

برتر ہے مری فکر سے وہ ذات ہے تیری

کرتا ہوں ادب سے تری خدمت میں دلیری

دروازے کا تیرے ہوں گدا بھیک دے میری

محروم نہ کر میری تو ہے سال کی پھیری

یا شاہ شرف احمد یحیائے منیری

دروازے پہ تیرے جو کوئی عجز سے آوے

البتہ یقیں ہے کہ وہ محروم نہ جاوے

قسمت میں اگر اس کے نہ ہو تو بھی وہ پاوے

تو وہ ہے کہ تقدیر کے لکھے کو بناوے

یا شاہ شرف احمد یحیائے منیری

اب حال پہ میرے بھی ہو اے شاہ ترحم

ہے جوش خاطر سے مرے دل پہ تلاطم

جو عقل مری ہو گئی اب سر بہ سر ہی غم

پھر تجھ سے سوا جاں کروں میں کس سے تکلم

یا شاہ شرف احمد یحیائے منیری

کونین کی لذت تو مجھے بخش خداوند

اس درد و مصیبت میں رہوں تاکہ تو تا چند

ہے حرص و ہوا کا یہ مرا دل تو نظر بند

ہے بے خبری بے خبری مجھ میں خداوند

یا شاہ شرف احمد یحیائے منیری