مرنے کی تھی سبیل جیے جا رہا ہوں میں

مرنے کی تھی سبیل جیے جا رہا ہوں میں

ساقی پلا رہا ہے پیے جا رہا ہوں میں

ساقی کو دل میں یاد کیے جا رہا ہوں میں

کعبے میں بھی شراب پیے جا رہا ہوں میں

مالک کی بخششوں کا حساب و کتاب کیا

وہ دے رہا ہے اور لیے جا رہا ہوں میں

وہ بخشے یا نہ بخشے اسے اختیار ہے

اپنا جو کام ہے وہ کیے جا رہا ہوں میں

آ اے اجل کہ نام خدا لے کے ذوق میں

ذکر حبیب حق بھی کیے جا رہا ہوں میں

محسنؔ حریم دل میں اسے دیکھ دیکھ کر

اپنا طواف آپ کیے جا ہوں میں