بخت خفتہ نے مجھے روضہ پہ جانے نہ دیا

بخت خفتہ نے مجھے روضہ پہ جانے نہ دیا

چشم و دل سینے کلیجے سے لگانے نہ دیا

آہ قسمت مجھے دنیا کے غموں نے روکا

ہائے تقدیر کہ طیبہ مجھے جانے نہ دیا

پاؤں تھک جاتے اگر پاؤں بناتا سر کو

سر کے بل جاتا ضعف نے جانے نہ دیا

سر تو سر جان سے جانے کی مجھے حسرت ہے

موت نے ہائے مجھے جان سے جانے نہ دیا

اب کہاں جائے گا نقشہ ترا میرے دل سے

تہ میں رکھا ہے اسے دل نے گماں نے نہ دیا

اور چمکتی سی غزل کوئی پڑھوائے نوریؔ

رنگ اپنا ابھی جمنے شعرا نے نہ دیا