josh dariya mein tha kis qadar al-aman uncha sahil se tufan ka dhaara gaya

josh dariyā meñ thā kis qadar al-amāñ ūñchā sāhil se tūfāñ kā dhārā gayā

is ko kahte haiñ qismat kī nā-kāmiyāñ pahle kashtī ga.ī phir kinārā gayā

'arsh hilne lagā āsmāñ phaT gayā kaun maidān meñ aaj utārā gayā

baat kyā hai jo mahshar meñ halchal machī naam qātil kā shāyad pukārā gayā

maut ko pahle apnī tasavvur kare māl-o-zar par na koī takabbur kare

saarī daulat dharī kī dharī rah ga.ī jo yahāñ se gayā be-sahārā gayā

vo jo aa.e to husn-e-basīrat na thā un ke jaate hī tāb-e-nazar aaga.ī

kal nazāra thā lekin ye āñkheñ na thiiñ aaj āñkheñ milīñ to nazārā gayā

jis ko paalā thā ham ne baḌe naaz se ik nazar Daal kar aap ne le liyā

ham se pūchho ki ham pe guzartī hai kyā aap kā kyā gayā dil hamārā gayā

muskurā.e to bijlī chamakne lagī baal kholā to kaalī ghaTā chhā ga.ī

un kī āñkhoñ se mastī Tapakne lagī yā javānī kā sadqa utārā gayā

ye ḳhudā jaane 'nāzāñ' kahāñ chal diyā kūcha-kūcha use maiñ ne DhūñDā magar

dostoñ se jo pūchhā to kahne lage vo hasīnoñ kī galiyoñ meñ maarā gayā

josh dariya mein tha kis qadar al-aman uncha sahil se tufan ka dhaara gaya

is ko kahte hain qismat ki na-kaamiyan pahle kashti gai phir kinara gaya

'arsh hilne laga aasman phaT gaya kaun maidan mein aaj utara gaya

baat kya hai jo mahshar mein halchal machi nam qatil ka shayad pukara gaya

maut ko pahle apni tasawwur kare mal-o-zar par na koi takabbur kare

sari daulat dhari ki dhari rah gai jo yahan se gaya be-sahaara gaya

wo jo aae to husn-e-basirat na tha un ke jate hi tab-e-nazar aagai

kal nazara tha lekin ye aankhen na thin aaj aankhen milin to nazara gaya

jis ko pala tha hum ne baDe naz se ek nazar Dal kar aap ne le liya

hum se puchho ki hum pe guzarti hai kya aap ka kya gaya dil hamara gaya

muskurae to bijli chamakne lagi baal khola to kali ghaTa chha gai

un ki aankhon se masti Tapakne lagi ya jawani ka sadqa utara gaya

ye KHuda jaane 'nazan' kahan chal diya kucha-kucha use main ne DhunDa magar

doston se jo puchha to kahne lage wo hasinon ki galiyon mein mara gaya