nazar lauT kar dil mein aae to kya ho

nazar lauT kar dil meñ aa.e to kyā ho

jo dekhā hai dil meñ dikhā.e to kyā ho

nigāhoñ se guzrā huā hai jo manzar

vo dil se guzarne na paa.e to kyā ho

ḳhayāl aap hī vāqi.a ban gayā ho

yahī vāqi.a pesh aa.e to kyā ho

vo tasvīr jo muskurātī hai dil meñ

tasavvur ko āñkheñ dikhā.e to kyā ho

vahī jo samā.e na arz-o-samā meñ

mere dil meñ ā-kar na jaa.e to kyā ho

azal se abad tak kabhī aañkh dil kī

na jhapke jhapakne na paa.e to kyā ho

vo dariyā ki maujeñ haiñ is kī do-ālam

vo ek buuñd meñ Duub jaa.e to kyā ho

'zhīn' aap kī chashm-o-abrū ke qurbāñ

na samjhe ishāre kinā.e to kyā ho

nazar lauT kar dil mein aae to kya ho

jo dekha hai dil mein dikhae to kya ho

nigahon se guzra hua hai jo manzar

wo dil se guzarne na pae to kya ho

KHayal aap hi waqia ban gaya ho

yahi waqia pesh aae to kya ho

wo taswir jo muskuraati hai dil mein

tasawwur ko aankhen dikhae to kya ho

wahi jo samae na arz-o-sama mein

mere dil mein aa-kar na jae to kya ho

azal se abad tak kabhi aankh dil ki

na jhapke jhapakne na pae to kya ho

wo dariya ki maujen hain is ki do-alam

wo ek bund mein Dub jae to kya ho

'zhin' aap ki chashm-o-abru ke qurban

na samjhe ishaare kinae to kya ho