hadaf jis ka faqat dil ho main aise tir ke qurban

hadaf jis kā faqat dil ho maiñ aise tiir ke qurbāñ

badan jis se na ghā.il ho maiñ us shamshīr ke qurbāñ

jo lailā ne kaha hans ke ki beḌī Daal do us ke

gayā ban qais dīvāna huā Zanjīr ke qurbāñ

kaho shīrīñ se jā baiTHe maze se ghar me.in ḳhusrau ke

hua Farhād us ke dam se juue shiir ke qurbāñ

uThā kar burqā mukhDe se zarā sūrat to dikhlā de

hijāb itnā na kar mujh se tirī tasvīr ke qurbāñ

tū ḳhaak apne qadam kī de na kar mohtāj kundan kā

kise miltī hai ye daulat maiñ us iksīr ke qurbāñ

'turāb' us ne javānī meñ mujhe pīroñ kī ne.amat dī

banāyā piir mujh ko maiñ to apne piir ke qurbāñ

hadaf jis ka faqat dil ho main aise tir ke qurban

badan jis se na ghail ho main us shamshir ke qurban

jo laila ne kaha hans ke ki beDi Dal do us ke

gaya ban qais diwana hua Zanjir ke qurban

kaho shirin se ja baiTHe maze se ghar mein KHusrau ke

hua Farhad us ke dam se jue shir ke qurban

uTha kar burqa mukhDe se zara surat to dikhla de

hijab itna na kar mujh se teri taswir ke qurban

tu KHak apne qadam ki de na kar mohtaj kundan ka

kise milti hai ye daulat main us iksir ke qurban

'turab' us ne jawani mein mujhe piron ki neamat di

banaya pir mujh ko main to apne pir ke qurban