Sufinama

un se ummid-e-iltifat kahan

Tufail Hoshiarpuri

un se ummid-e-iltifat kahan

Tufail Hoshiarpuri

MORE BYTufail Hoshiarpuri

    un se ummīd-e-iltifāt kahāñ

    merī taqdīr meñ ye baat kahāñ

    kyā ḳhabar be-ḳhudī ke a.alam meñ

    luT ga.ī dil kā.enāt kahāñ

    navāze tirā karam varna

    maiñ kahāñ aur terī zaat kahāñ

    dil ko apnā liyā tire ġham ne

    ab ġham-e-dil se ho najāt kahāñ

    terī ḳhātir tujhe bhī chhoḌ diyā

    jiit kar ham ne khaa.ī maat kahāñ

    tum na samjhoge mājrā dil

    tum kahāñ dil vārdāt kahāñ

    laakh sūraj tarāshte jaao

    ḳhatm hotī hai ġham raat kahāñ

    un ke aane intizār tufail

    is qadar fursat-e-hayāt kahāñ

    un se ummid-e-iltifat kahan

    meri taqdir mein ye baat kahan

    kya KHabar be-KHudi ke aalam mein

    luT gai dil ki kaenat kahan

    tu nawaze tera karam warna

    main kahan aur teri zat kahan

    dil ko apna liya tere gham ne

    ab gham-e-dil se ho najat kahan

    teri KHatir tujhe bhi chhoD diya

    jit kar hum ne khai mat kahan

    tum na samjhoge majra dil ka

    tum kahan dil ki wardat kahan

    lakh suraj tarashte jao

    KHatm hoti hai gham ki raat kahan

    un ke aane ka intizar tufail

    is qadar fursat-e-hayat kahan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now