Sufinama

kya na dekha ye kaho ye na kaho kya dekha

Zaheen Shah Taji

kya na dekha ye kaho ye na kaho kya dekha

Zaheen Shah Taji

MORE BYZaheen Shah Taji

    kyā na dekhā ye kaho ye na kaho kyā dekhā

    ham ne jo kuchh bhī kisī bazm meñ dekhā dekhā

    dekhne ko sar-e-mahfil ruḳh-e-zebā dekhā

    ham ko jo kuchh tirī āñkhoñ ne dikhāyā dekhā

    vo bahāreñ ke tire saath mujhe dekh ga.iiñ

    kyā kaheñgī agar aakar mujhe tanhā dekhā

    husn-e-ḳhud-bīñ ko hai kyā ishq-e-kHudā-bīñ se gurez

    merī āñkhoñ se bhī apnā ruḳh-e-zebā dekhā

    sab se mil kar bhī kam-āmez hai tamkīn-e-jamāl

    tujh ko dekhā to bharī bazm meñ tanhā dekhā

    nukta-chīñ dīda-e-zāhir hai mirī āñkhoñ par

    ham ne ā.īna na dekhā ruḳh-e-zebā dekhā

    chāñdnī chāñd sūrat ghanī zulf chhāñv

    phir añdherā nazar aayā na ujālā dekhā

    us ko apnā koī samjhā hai na samjhegā 'zahīn'

    jis ko be-gānagī-e-hosh meñ apnā dekhā

    kya na dekha ye kaho ye na kaho kya dekha

    hum ne jo kuchh bhi kisi bazm mein dekha dekha

    dekhne ko sar-e-mahfil ruKH-e-zeba dekha

    hum ko jo kuchh teri aankhon ne dikhaya dekha

    wo bahaaren ke tere sath mujhe dekh gain

    kya kahengi agar aakar mujhe tanha dekha

    husn-e-KHud-bin ko hai kya ishq-e-kHuda-bin se gurez

    meri aankhon se bhi apna ruKH-e-zeba dekha

    sab se mil kar bhi kam-amez hai tamkin-e-jamal

    tujh ko dekha to bhari bazm mein tanha dekha

    nukta-chin dida-e-zahir hai meri aankhon par

    hum ne aaina na dekha ruKH-e-zeba dekha

    chandni chand si surat ki ghani zulf ki chhanw

    phir andhera nazar aaya na ujala dekha

    us ko apna koi samjha hai na samjhega 'zahin'

    jis ko be-ganagi-e-hosh mein apna dekha

    Source :
    • Book : Aayat-e-Jamaal (Pg. 36)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now