tumhein bhi meri yaad aati to hogi

tumheñ bhī mirī yaad aatī to hogī

mohabbat tumheñ bhī satātī to hogī

mujhe ḳhvāb meñ tum ne dekhā to hogā

tumheñ bhī kabhī niiñd aatī to hogī

kahīñ muskurāte the tum chāñdnī meñ

vahāñ chāñdnī muskurātī to hogī

sitāroñ se naġhme baraste to hoñge

fazā sohnī ab bhī gaatī to hogī

tabī.at ke taskīn ke har sabab se

tabī.at bhī taskīn paatī to hogī

tumhārā bhī kyā haal merā sā hogā

mohabbat kahīñ raas aatī to hogī

kabhī dil kā chāhā bhī hotā to hogā

kabhī dil kī hasrat bar aatī to hogī

kasī chiiz se dil bahaltā to hogā

koī shai tabī.at ko bhātī to hogī

vo duniyā jo duniyā ne dekhī nahīñ hai

vo duniyā mohabbat dikhātī to hogī

kabhī dil kā kahnā bhī hotā to hogā

mohabbat kabhī fath paatī to hogī

ye duurī ke ehsās kī saḳht manzil

tasavvur ko āñkheñ dikhātī to hogī

judā.ī ke ehsās kī zulmatoñ meñ

kahīñ sham.a sī jhilmilātī to hogī

jhapaktī to hoñgī kabhī dil kī āñkheñ

'zahīn' un se be-iltifātī to hogī

tumhein bhi meri yaad aati to hogi

mohabbat tumhein bhi satati to hogi

mujhe KHwab mein tum ne dekha to hoga

tumhein bhi kabhi nind aati to hogi

kahīñ muskuraate the tum chandni mein

wahan chandni muskuraati to hogi

sitaron se naghme baraste to honge

faza sohni ab bhi gati to hogi

tabiat ke taskin ke har sabab se

tabiat bhi taskin pati to hogi

tumhaara bhi kya haal mera sa hoga

mohabbat kahin ras aati to hogi

kabhi dil ka chaha bhi hota to hoga

kabhi dil ki hasrat bar aati to hogi

kasi chiz se dil bahalta to hoga

koi shai tabiat ko bhati to hogi

wo duniya jo duniya ne dekhi nahin hai

wo duniya mohabbat dikhati to hogi

kabhi dil ka kahna bhi hota to hoga

mohabbat kabhi fath pati to hogi

ye duri ke ehsas ki saKHt manzil

tasawwur ko aankhen dikhati to hogi

judai ke ehsas ki zulmaton mein

kahin shama si jhilmilati to hogi

jhapakti to hongi kabhi dil ki aankhen

'zahin' un se be-iltifati to hogi