jab main na dekhta hun to dekha karun tujhe

jab maiñ na dekhtā huuñ to dekhā karūñ tujhe

but-kHāna-e-kHayāl meñ puujā karūñ tujhe

ghabrā gayā huuñ dair-o-haram kī quyūd se

kyā ālam-e-ḳhayāl meñ puujā karūñ tujhe

haañ kyuuñ rahe sharīk-e-ibādat ḳhayāl-e-ġhair

kyā maiñ nahīñ rahā huuñ ki sajda karūñ tujhe

phir kyā rahegā valvala-e-shauq-e-dīd meñ

ai vo nazar ki sirf tamāsha karūñ tujhe

lag jaa.eñ tere husn kī shohrat ko chār-chāñd

rusvā mujhe kiyā hai to rusvā karūñ tujhe

jab hai vafūr-e-husn qusūr-e-nigāh kyā

ai e'tirāf-e-kam-nighī kyā karūñ tujhe

terī nigāh se tujhe dekhā karūñ 'zahīn'

apnī nigāh se bhī chhupāyā karūñ tujhe

jab main na dekhta hun to dekha karun tujhe

but-kHana-e-kHayal mein puja karun tujhe

ghabra gaya hun dair-o-haram ki quyud se

kya aalam-e-KHayal mein puja karun tujhe

han kyun rahe sharik-e-ibaadat KHayal-e-ghair

kya main nahin raha hun ki sajda karun tujhe

phir kya rahega walwala-e-shauq-e-did mein

ai wo nazar ki sirf tamasha karun tujhe

lag jaen tere husn ki shohrat ko chaar-chand

ruswa mujhe kiya hai to ruswa karun tujhe

jab hai wafur-e-husn qusur-e-nigah kya

ai e'tiraf-e-kam-nighi kya karun tujhe

teri nigah se tujhe dekha karun 'zahin'

apni nigah se bhi chhupaya karun tujhe