الٰہی جس دم لبوں پہ دم ہو زباں ہو صرف_ثنائے_وارث

الٰہی جس دم لبوں پہ دم ہو زباں ہو صرف ثنائے وارث

کہ دل میں شوق وصال وارث ہو آنکھ محو لقائے وارث

جہاں میں اپنی نظر سے گزرے ہزاروں خوش رو حسین لاکھوں

مگر نہ دیکھی یہ شان و خوبی جدا ہے سب سے ادائے وارث

نہ پوچھ واعظ ہمارا مشرب نہیں ہے دیر و حرم سے مطلب

زمانہ گزرا جو کر کے بیٹھے ہیں دین و ایماں فدائے وارث

کہاں کا پردہ حجاب کیسا خدا بھی پوچھے تو صاف کہہ دوں

ہماری ملت ہے عشق وارث ہمارا ایماں ولائے وارث

جو سب کی مشکل میں کام آئے کرے غریبوں کی دستگیری

لگائے بیڑا جو پار اوگھٹؔ نہیں ہے کوئی سوائے وارث