Sufinama

کسمپرسی میں غریبوں کے سہارے خواجہ

کامل شطاری

کسمپرسی میں غریبوں کے سہارے خواجہ

کامل شطاری

MORE BYکامل شطاری

    دلچسپ معلومات

    منقبت درشان غریب نواز خواجہ معین الدین حسن چشتی (اجمیر۔راجستھان)

    کسمپرسی میں غریبوں کے سہارے خواجہ

    تیری اس آن کے صدقے مرے پیارے خواجہ

    ناخدا تو ہے تو کیا ڈر ہمیں طوفانوں کا

    لگ ہی جائیں گے کسی طرح کنارے خواجہ

    اے شہ ہند دلوں پر ہے حکومت تیری

    دیکھتا ہوں تری آنکھوں کے اشارے خواجہ

    کیا خبر تھی کہ لگی دل کی بھڑک اٹھے گی

    رنگ لائیں گے محبت کے شرارے خواجہ

    یاد آتے ہیں تو پھر یاد بھی کیجیے مجھ کو

    کوئی کب تک غم فرقت میں گزارے خواجہ

    بس اسی شوق میں رو رو کے گزاری ہم نے

    پونچھنے آئیں گے آنسو یہ ہمارے خواجہ

    روضۂ پاک پہ اے کاش کوئی لے جا کر

    مجھ کو سو طرح سے صدقے میں اتارے خواجہ

    ہو چکے ہم تو محبت میں جواں سے بوڑھے

    کیا نہ پوچھو گے تم اب بھی میرے پیارے خواجہ

    دردمندان محبت کا تماشہ دیکھو

    لوٹتے رہتے ہیں کوچے میں تمہارے خواجہ

    اس توقع پہ کہ تقدیر یہاں بنتی ہے

    جمع ہو جاتے ہیں تقدیر کے مارے خواجہ

    آپ ہیں نور علی نور نبی نور خدا

    آپ کی دید ہے کس کس کے نظارے خواجہ

    آپ کے در پہ غریبوں کی نظر پڑتی ہے

    ختم ہو جاتے ہیں جب سارے سہارے خواجہ

    دیکھ لے ایک نظر خواجۂ عثماں کی قسم

    ہم نے برسوں تری چوکھٹ پر گزارے خواجہ

    جیت میری ہے کہ سرکار مجھے جیت گئے

    ہائے کس منہ سے کہوں جیت کے ہارے خواجہ

    ربط الفت کی قسم نسبت کاملؔ کی قسم

    تم ہمارے ہو ہمارے ہو ہمارے ہو خواجہ

    ویڈیو
    This video is playing from YouTube

    Videos
    This video is playing from YouTube

    نا معلوم

    نا معلوم

    مأخذ :
    • کتاب : سرودِ روحانی (Pg. 167)
    • Author : Meraj Ahmed Nizami
    • اشاعت : Second

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے