عطائے_شہہ_دوسرا میرے خواجہ

عطائے شہہ دوسرا میرے خواجہ

ہیں آل رسول خدا میرے خواجہ

مری سمت نظریں عطا میرے خواجہ

کہ میں آپ کا ہوں گدا میرے خواجہ

بلا کر مجھے ارض اجمیر پر اب

مجھے اپنا روضہ دکھا میرے خواجہ

بھری اس کی جھولی ملی شادمانی

جو در پر تمہارے گیا میرے خواجہ

بہت خوب مشہور ہے یہ کرامت

جو کاسہ میں ساگر بھرا میرے خواجہ

بہت لوگ ایمان لائے خدا پر

ہے یہ بھی تمہاری عطا میرے خواجہ

یہ شارقؔ بھی جائے مدینے کو اک دن

خدا را کرو یہ دعا میرے خواجہ