خدا_را نگاہ_عطا میرے وارث

خدا را نگاہ عطا میرے وارث

مری سمت کیجیے سدا میرے وارث

مرے دل کی یہ آرزو پوری کرے

بنا لیجئے مجھ کو گدا میرے وارث

تصور میں جلوہ نما ایسے رہنما

مرا سر ہو اور تیرا پا میرے وارث

نظر آئے جس میں صورت تمہاری

مرا دل بنے آئینہ میرے وارث

مری کیفیت ہر نفس بس یہی ہو

کروں تم پہ خود کو فدا میرے وارث

تمہارا ہی جلوہ نظر آیا مجھ کو

میں جب بھی جدھر بھی گیا میرے وارث

میں شور قیامت سے کیوں مطمئن ہوں

ہیں میرے شفیع رہنما میرے وارث

یہ شارقؔ نہ محتاج دنیا کبھی ہو

خدا را یہ کیجیے دعا میرے وارث