jab mirii tishna-labii ne dekh lii juu-e-alii

jab mirii tishna-labii ne dekh lii juu-e-alii

bhuul kar saare takalluf ba.Dh chalii suu-e-alii

jitnaa jis me.n zarf ho sairaab ho saktaa hai vo

ilm kaa dariyaa hai ik ik zarra kuu-e-alii

shaah-mardaa.n sher-e-yazdaa.n ai mire KHaibar-shikan

dekh kar duniyaa pukaarii chashm-o-abruu-e-alii

zindagii bhar raushnii aa.nkho.n kii jaa saktii nahii.n

KHvaab me.n bhii dekh le ko.ii agar ruu-e-alii

qaadrii chishtii suhravardii kisii se puuchh lo

jis se har KHitta hu.aa sairaab hai juu-e-alii

kis liye apne qadam rakhe zamii.n par vo bhalaa

jis ko haasil hoga.ii ho daulat muu-e-alii

kuchh na dekhe.nge ye diivaane chale.nge us taraf

jis taraf teraa ishaaraa hogaa abruu-e-alii

dushmanii as.haab paiGambar se tuu rakhtaa hai kyuu.n

ye na kirdaar-e-alii hai aur na hai KHuu-e-alii

hind kii dhartii ko us ke qurb ne mahkā diyaa

ik qalandar ko jo yaavar mil ga.ii buu-e-alii

jab mirii tishna-labii ne dekh lii juu-e-alii

bhuul kar saare takalluf ba.Dh chalii suu-e-alii

jitnaa jis me.n zarf ho sairaab ho saktaa hai vo

ilm kaa dariyaa hai ik ik zarra kuu-e-alii

shaah-mardaa.n sher-e-yazdaa.n ai mire KHaibar-shikan

dekh kar duniyaa pukaarii chashm-o-abruu-e-alii

zindagii bhar raushnii aa.nkho.n kii jaa saktii nahii.n

KHvaab me.n bhii dekh le ko.ii agar ruu-e-alii

qaadrii chishtii suhravardii kisii se puuchh lo

jis se har KHitta hu.aa sairaab hai juu-e-alii

kis liye apne qadam rakhe zamii.n par vo bhalaa

jis ko haasil hoga.ii ho daulat muu-e-alii

kuchh na dekhe.nge ye diivaane chale.nge us taraf

jis taraf teraa ishaaraa hogaa abruu-e-alii

dushmanii as.haab paiGambar se tuu rakhtaa hai kyuu.n

ye na kirdaar-e-alii hai aur na hai KHuu-e-alii

hind kii dhartii ko us ke qurb ne mahkā diyaa

ik qalandar ko jo yaavar mil ga.ii buu-e-alii