ہے دفن اس میں عشقِ نبی کا خزینہ

ہے دفن اس میں عشقِ نبی کا خزینہ

یہ پہلے مرا دل تھا اب ہے مدینہ

مرے دل میں جلوہ ہے نورِ نبی کا

مری آنکھو ں میں پھر رہا ہے مدینہ

ہے کیا دل نشیں گنبدِ سبزِ حضرت

یہ ہے عرشِ اعظم کا سچا نگینہ

ہمیں عشق ہے کفش پائے نبی سے

یہی ہے جمیلہ یہی ہے حسینہ

مرے دل میں ہے روضۂ پاکِ حضرت

یہ پہلے تو کعبہ تھا اب ہے مدینہ

یہیں خواب میں ہیں رسولِ مکرم

یہ آرام گاہِ نبی کا ہے زینہ

عروج اس کو ہوگا جسے عشق ہوگا

محبت ہے بامِ معارف کا زینہ

مدینہ کی عزت نہ ہو جس کے دل میں

اسی شخص کو کہتے ہیں ہم کمینہ

دمِ نزع بھی ہو میرے لب پر اکبرؔ

مدینہ مدینہ مدینہ مدینہ