می کند با من دلم ہر لحظہ اظہارے دگر

میرا دل مجھ سے ہر لحظہ دوسرا اظہار کر رہا ہے

میرے باطن میں ہر وقت کچھ نئے اسرار سر اٹھا رہے ہیں

داستان سنانے والی بلبل ہماری روح میں اپنے ہر نغمے سے

ہمیں ایک نئے چمن کی سیر کا پتہ دے رہی ہے

ہر وقت مجھے اسرار غیب کے راز دار دکھا رہے ہیں

میرے محبوب کو نئی ادا کے ساتھ دوسرے انداز گفتار کے رنگ میں

میری ہر نگاہ میں حسن پھر جلوہ گر ہو رہاہے

محبوب کا رخسار ہر وقت ایک دوسرا تماشہ دکھا رہا ہے

دنیا کے خوبصورتوں میں محبت پر میں کیسے قناعت کروں

چوں کہ یہ سب قطرے ہیں ایک دوسرے بحر ذخار کا

میرے ہر بال کا موسیٰ رب ارنی کی صدا لگا رہا ہے

وہ اپنی ہر تجلی میں ایک نئے جلوے کا دیدار کر رہا ہے

دنیا کو دیکھنے والی آنکھ اس کے آفتاب کی کیا تاب لائے گی

اس کے رخسار کا دیدار دوسری آنکھ کا مقدر ہوتا ہے

حقیقت کے عاشقوں کے لئے سر سے قدم تک ہے

ایک دوسری راہ و رسم اور دوسرا طور و طریقہ

رسمی علوم کو کنارے رکھ اور دل سے سبق پڑھ

تیرے عشق کا نکتہ ایک دوسری بحث و تکرار کو حل کرتا ہے

میں صبح ازل سے مستی اور جوش و خروش میں ہوں

میں نے ایک دوسرے ساقی کے ہاتھوں سے شراب کا جام پیا ہے

اے نیازؔ میں جوش مستی سے ایک لمحے کے لئے بھی فارغ نہیں ہوں

مجھے اب تک سوائے ہا وہو اور شور و غوغا کے دوسرا کام نہیں ہے