تا کجا از چشم زارم خون ناب آید بروں

کب تک میری چشم زار سے خالص خون رواں ہوگا، کاش میرے پہلو سے یہ بےقرار و مضطرب دل باہر نکل آئے۔

اے شیریں دہن تیری جدائی میں زندگی تلخ ہو گئ ہے، اب وقت آ گیا ہے کہ روح بدن سے جلد باہر نکل آئے۔

میں اس کی پیچیدہ زلفوں کے خیال میں یوں محو ہوں کہ افسوس میرے دلِ بےتاب سے سو طرح کا پیچ و تاب باہر نکلتا ہے۔

اس کے عشق میں میری چشم گریاں، سینہ سوزاں اور دل تپ رہا ہے،

کاش موت آ جائے تاکہ میری جان اس عذاب سے نجات پا جاۓ۔

زندگی بلبلے کی طرح ختم ہو گئی اور ایک آہ بھی نہ نکلی، بلبلے کے ٹوٹنے کی آواز کہاں بلبلے سے باہر آتی ہے؟

اگر میرا وہ حسین معشوق میرے ساتھ کعبہ کی طرف سے گزر جائے،

تو ہر بوڑھے اور جوان کے دل سے لبیک کی صدا بلند ہو جاۓ۔

بسملؔ اگر مطرب ایک بار یہ غزل گا دے، تو چنگ و رباب سے آفرین کی صدا برآمد ہوگی۔