بلبلے برگ گلے خوش رنگ در منقار داشت

ایک بلبل، ایک خوش رنگ پھول کی پتی چونچ میں لیے تھی

اور اس ساز و سامان میں ، اچھی طرح عاجزی سے نالے کر رہی تھی

میں نے اس سے کہا، عین وصال میں یہ نالہ اور فریاد کیسی

وہ بولی معشوق کے جلوے نے ہمیں اس کام میں مصروف کر دیا ہے

اگر دوست ہمارے ساتھ نہ بیٹھا ، تو اعتراض کا کوئی موقع نہیں ہے

وہ کامیاب بادشاہ تھا، اس کو فقیروں سے عار آئی

جس عارف نے، مقام نیستی کی سیر کر لی

چوں کہ عالم اسرار کی، ایک مستی اس میں آئی، لہٰذا وہ مست ہو گیا

دوست کے حسن میں ہماری عاجزی، اورنیازمندی اثر نہیں کرتی ہے

وہ خوش نصیب ہے جس نے نازنینوں سے بہرہ ور نصیبہ رکھا

اٹھ! تاکہ اس نقاش کے قلم پر ہم جان چھڑک دیں

اس لیے کہ یہ تمام عجیب نقش وہ پرکار کی گردش میں رکھتا تھا

اگر تو عشق کے راستے کا مرید ہے تو بدنامی کی فکر نہ کر

صنعان کے بزرگ نے، گدڑی شراب خانہ میں رہن کر دی تھی

اس شیریں قلندر کا وقت، کس قدر بہتر تھا کہ سیر کی حالت میں

فرشتہ کی تسبیح کا ذکر، زنار کے حلقہ میں رکھتا تھا

اس حور فطرت کے محل کے نیچے، حافظؔ کی آنکھ

جنات تجری تحتہا الانہار، کا طریقہ رکھتی تھی