صبا اگر گزرے افتدت بہ کشور دوست

اے صبا! اگر تیرا دوست کے علاقہ سے گزر ہو جائے

تو دوست کے عنبر جیسی خوشبو والے گیسو سے مہک لے آنا

اس کی جان کی قسم، شکرانہ میں جان چھڑک دوں گا

اگر میرے پاس دوست کی جانب سے تو کوئی پیام لے آئے گی

اور اگر کسی طرح تجھے اس کے دربار میں باریابی نہ ہوتو

دوست کے در سے، آنکھ کے لیے غبار لے آنا

میں گدا، اور اس کے وصل کی تمنا! افسوس

شاید! دوست کا حسن اور منظر خواب میں دیکھ لوں

میرا صنوبری دل، بید کی طرح لرزاں ہے

دوست کے صنوبر جیسے قد و قامت کی حسرت میں

اگر چہ دوست، ہمیں کسی چیز کے بدلے بھی نہیں خریدتا ہے

ہم پوری دنیا کے بدلے میں بھی، دوست کے سر کا ایک بال نہ بیچیں گے

تیرے کوچہ کے کتے سے، میں کیا عذر خواہی کر سکوں گا؟

اگر کسی شب کو، ہم دوست کے دروازہ پر رہ سکیں گے

کیا ہوگا اگر غم کی قید سے اس کا دل آزاد ہو جائے گا؟

جب کہ عاجز حافظؔ، دوست کا غلام اور نوکر ہے