مباد کس چو من خستہ مبتلائے فراق

مجھ خستہ کی طرح خدا کرے کوئی فراق میں مبتلا نہ ہو

اس لیےکہ میری تمام عمر فراق کی مصیبت میں بیتی

میں، پردیسی اور عاشق اور بےدل اور فقیر اور حیران ہوں

زمانے کی مصیبت اور فراق کے درد اٹھائے ہوئے ہوں

اگر میرے ہاتھ پڑ جائے تو فراق کو مار ڈالوں

اور پھر فراق کا خون بہا، آنسوؤں سے ادا کروں

کہاں جاؤں کیا کروں دل کا حال کس سے کہوں

جو میرا انصاف کرے ،فراق کو سزا دے

ہجراور فراق کے درد سے تھوڑی دیر کے لیے بھی میرا چھٹکارا نہیں ہے

خدا کے لیے میرا انصاف کر اور فراق کو سزا دے

فراق کو تیرے فراق میں، مبتلا کر دوں

اس طور پر کہ فراق کی آنکھوں سے خوں ٹپکاؤں

میں کہاں کا فراق کہاں کا اور غم کہاں سے؟

شاید میری ماں نے مجھے فراق کے لیے جنا ہے

تیرے عشق کے داغ کی وجہ سے حافظؔ صبح کی بلبل کی طرح

دن رات فراق کے خون برسانے والے نعرے لگا رہا ہے