اے رخت چوں خلد و لعلت سلسبیل

اے وہ ، کہ تیرا چہرہ جنت ہے اور تیرا ہونٹ سلسبیل

تیری سلسبیل نے جان اور دل لٹا دیئے ہیں

تیرے خط کے سبز پوش ہونٹوں کے گرد

ایسے ہیں جیسے کہ سلسبیل کے گرد حوریں

ہر گوشہ میں تیری آنکھ کا تیر

مجھ جیسے سو مقتول گرے ہوئے رکھتا ہے

اے خدا!یہ آگ جو میری جان میں ہے

اس طورپر ٹھنڈی کر دے، جیسے تو نے خلیل پر کی

اے دوستو!میرا موقع نہیں ہے

اگر چہ وہ بہت زیادہ حسن و جمال رکھتا ہے

ہمارا پیر لنگڑا ہے اور منزل بہت لمبی ہے

ہمارا ہاتھ کوتاہ ہے اور چھوارے کچھور کے درخت پر ہیں

اس نظم کی خوبی بیان سے بے نیاز ہے

سورج کی روشنی پر کون دلیل تلاش کرتا ہے؟

اس نقاش کے قلم کو شاباش ہے جس نے دیا ہے

معانی کی دوشیزہ کو اس قدر حسن جمیل

یہ شعر معجزہ ہے یا حلال جادو

یہ کلام ہاتف لایا ہے یا جبرئیل؟

اس طرح پر شعر کہنا کوئی نہیں جانتا ہے

اس طرح کا ایک موتی، کوئی نہیں پرو سکتا ہے

اے حافظؔ تو اگر کوئی معنی رکھتا ہے ، تو لا

ور نہ دعویٰ سوائے قیل و قال کے کچھ نہیں ہے