عشق بازی و جوانی و شراب لعل فام

عشق بازی اور جوانی اور لعل جیسی شراب

محبت کی مجلس اور ہمدم دوست اور دائمی شراب نوشی

شیریں دہن ساقی اور شیریں کلام مطرب

نیک کردار ہم نشیں اور نیک نام دوست

ایسا معشوق جو لطافت اور پاکی میں آب حیات کے لیے باعث رشک ہو

ایسا دلبر جو حسن و خوبی میں چودہویں کے چاند کے لیے باعث غیرت ہو

پھول کے رنگ کی شراب جو کڑوی اور شیریں اور خوشگوار اور ہلکی ہو

ایک نُقل محبوب کے ہونٹ کا اور ایک نُقل جام کے یاقوت کا

فردوس بریں کے محل کی طرح دل نشیں بزم گاہ

ایسا گلشن جس کے چاروں طرف جنت جیسے باغیچے ہوں

نیک خواہ صف نشیں ہوں اور با ادب خدمت گار ہوں

راز دار دوست ہوں اور مقصد کو دوست رکھنے والے ساتھی ہوں

ساقی کی ادا، عقل کی لوٹ مار پر تلوار سونتے ہوئے ہو

دلبر کی زلف دل کو شکار کرنے کے لیے جال بچھائے ہو

جو شخص ایسی صحبت چاہے، اس پر خوش دلی ملال ہے

جو اس قسم کا عیش نہ چاہے اس پر زندگی حرام ہے