صبح دم مرغ چمن با گل نو خاستہ گفت

بلبل نے صبح کے وقت ایک نئے کھلے ہوئے پھول سے کہا

ناز، کم کر اس لیے کہ اس باغ میں تجھ جیسے بہت سے کھلے ہیں

پھول ہنسا کہ سچی بات سے ہم رنجیدہ نہیں ہوتے ہیں لیکن

کسی عاشق نے معشوق کو سخت بات نہیں کہی

اگر اس جام سے، لعل جیسی شراب پینے کی تجھے تمنا ہے

تو تجھے پلکوں کی نوک سے موتی اور یاقوت پرونے چاہئیں

اس شخص کی ناک میں قیامت تک محبت کی خوشبو نہ پہنچے گی

جس نے مے خانہ کی خاک، رخسار سے صاف نہ کی

جب گذشتہ رات جنت کے باغ میں ہوا کی پاکیزگی سے

نسیم سحری کی وجہ سے سنبل کی زلف بکھر رہی تھی

میں نے کہا اسے جمشید کی مسند!تیرا جام جہاں نما کہاں ہے؟

اس نے کہا افسوس، وہ جاگتی دولت سو گئی

عشق کی بات وہ نہیں ہے ، جو زبان پر آئے

اے ساقی! شراب دے، اور اس گفت و شنید کو ختم کر

حافظ کے آنسوؤں نے صبر اور عقل کو دریا میں پھینک دیا

کیا کرے، عشق کے غم کی سوزش کو چھپا نہ سکا