اگر آں ترک شیرازی بہ دست آرد دل ما را

اگر وہ شیرازی معشوق ہمار ا دل تھام لے تو اس کے دلفریب تل کے عوض میں سمرقند اور بخارا بخش دوں۔

اے ساقی! باقی شراب بھی دے دے، اس لئے کہ تو جنت میں نہ پا سکے گا رکنا باد کی نہر کا کنارا اور مصلیٰ کی سیر گاہ۔

فریاد کہ یہ شریر، شیریں کار شہر کو فتنہ میں مبتلا کرنے والا معشوق دل سے صبر کو اس طرح لوٹ لے گئے جیسا کہ مالِ غنیمت کے خوان، ڈاکو۔

ہمارے ناقص عشق سے، یار کا حسن بے نیاز ہے، حسین چہرے کو آب و رنگ اور تل اور خط کی کیا ضرورت ہے۔

میں اس روز بروز بڑھنے والے حسن سے جو کہ یوسف رکھتے تھے جان گیا تھا کہ عشق زلیخا کو پاکی کے پردے سے باہر نکال لائے گا۔

گویے اور شراب کی بات کر اور زمانے کا راز کم تلاش کر اس لئے کہ دانائی سے کسی نے یہ معمہ کھولا ہے، نہ وہ کھولے۔

پیارے! نصیحت سن لے، اس لئے کہ جان سے زیادہ پیارا رکھتے ہیں

سعادت مند نوجوان، بوڑھے سمجھ دار کی نصیحت کو۔

تو نے مجھے برا کہا اور میں خوش ہوں خدا تجھے معاف کرے تو نے اچھا کہا لعل جیسے شکر چبانے والے ہونٹوں کو کڑوا جواب زیب نہیں دیتا ہے۔

اے حافظؔ تو نے غزل کہی اور موتی پروئے آ اور خوش الحانی سے پڑھ

اس لئے کہ آسمان تیری نظم پر ثریا کے ہار نچھاور کرے گا۔