be-wafa se bhi pyar hota hai

be-vafā se bhī pyaar hotā hai

yaar kuchh bhī ho yaar hotā hai

saath us ke jo hai raqīb to kyā

phūloñ ke saath ḳhaar hotā hai

jab vo hote haiñ sehn-e-gulshan meñ

mausam-e-nau-bahār hotā hai

kaash hote ham us ke phūloñ meñ

us gale kā jo haar hotā hai

dost se kyuuñ bhalā na khāte fareb

dost pe e'tibār hotā hai

jab vo aate nahīñ shab-e-va.ada

maut kā intizār hotā hai

vasl meñ bhī ḳhayāl-e-hijr se dil

be-sukūn be-qarār hotā hai

ham baḌe ḳhush-nasīb haiñ varna

aap ko kis se pyaar hotā hai

tiir vo tīr-e-nīm-kash to nahīñ

dil ke jo ār-pār hotā hai

husn-e-aḳhlāq-e-urūs-e-hayāt

sab se achchhā siñgār hotā hai

'ishq kī kā.ināt kā 'purnam'

husn-e-parvardigār hotā hai

be-wafa se bhi pyar hota hai

yar kuchh bhi ho yar hota hai

sath us ke jo hai raqib to kya

phulon ke sath KHar hota hai

jab wo hote hain sehn-e-gulshan mein

mausam-e-nau-bahaar hota hai

kash hote hum us ke phulon mein

us gale ka jo haar hota hai

dost se kyun bhala na khate fareb

dost pe e'tibar hota hai

jab wo aate nahin shab-e-wada

maut ka intizar hota hai

wasl mein bhi KHayal-e-hijr se dil

be-sukun be-qarar hota hai

hum baDe KHush-nasib hain warna

aap ko kis se pyar hota hai

tir wo tir-e-nim-kash to nahin

dil ke jo aar-par hota hai

husn-e-aKHlaq-e-urus-e-hayat

sab se achchha singar hota hai

'ishq ki kainat ka 'purnam'

husn-e-parwardigar hota hai