Sufinama

dastur mohabbat ka sikhaya nahin jata

Purnam Allahabadi

dastur mohabbat ka sikhaya nahin jata

Purnam Allahabadi

MORE BYPurnam Allahabadi

    dastūr mohabbat sikhāyā nahīñ jaatā

    ye aisā sabaq hai jo paḌhāyā nahīñ jaatā

    kamsin haiñ vo aise unheñ zālim kahūñ kaise

    ma.asūm pe ilzām lagāyā nahīñ jaatā

    ā.īna dikhāyā to kahā ā.īna-ruḳh ne

    ā.īne ko ā.īna dikhāyā nahīñ jaatā

    kyā chheḌ hai āñchal se gulistāñ meñ sabā

    un se ruḳh-e-raushan ko chhupāyā nahīñ jaatā

    hairat hai ki mai-ḳhāne meñ jaatā nahīñ zāhid

    jannat meñ musalmān se jaayā nahīñ jaatā

    ab maut le jaa.e to le jaa.e yahāñ se

    kūche se tire ham se to jaayā nahīñ jaatā

    is darja pashemāñ mirā qātil hai ki us se

    mahshar meñ mire sāmne aayā nahīñ jaatā

    'purnam' ġham-e-ulfat meñ tum aañsū na bahāo

    is aag ko paanī se bujhāyā nahīñ jaatā

    dastur mohabbat ka sikhaya nahin jata

    ye aisa sabaq hai jo paDhaya nahin jata

    kamsin hain wo aise unhen zalim kahun kaise

    masum pe ilzam lagaya nahin jata

    aaina dikhaya to kaha aaina-ruKH ne

    aaine ko aaina dikhaya nahin jata

    kya chheD hai aanchal se gulistan mein saba ki

    un se ruKH-e-raushan ko chhupaya nahin jata

    hairat hai ki mai-KHane mein jata nahin zahid

    jannat mein musalman se jaya nahin jata

    ab maut hi le jae to le jae yahan se

    kuche se tere hum se to jaya nahin jata

    is darja pasheman mera qatil hai ki us se

    mahshar mein mere samne aaya nahin jata

    'purnam' gham-e-ulfat mein tum aansu na bahao

    is aag ko pani se bujhaya nahin jata

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY