haram hai kyā chiz dair kyā hai kisī pe merī nazar nahīñ hai

haram hai kyā chiiz dair kyā hai kisī pe merī nazar nahīñ hai

maiñ tere jalvoñ meñ kho gayā huuñ mujhe ab apnī ḳhabar nahīñ hai

jinheñ hai Dar rāh-e-imtihāñ se unheñ abhī ye ḳhabar nahīñ hai

agar karam un kā rāhbar ho kaThin koī rahguzar nahīñ hai

ba-shauq-e-sajda chale haiñ lekin ajiib maslak hai āshiqoñ kā

vahāñ ibādat harām Thahrī jahāñ tirā sañg-e-dar nahīñ hai

tirī talab terī aarzū meñ nahīñ mujhe hosh zindagī kā

jhukā huuñ yuuñ tere āstāñ par ki mujh ko ehsās-e-sar nahīñ hai

tirī navāzish mirī masarrat mirī tabāhī jalāl terā

kahīñ nahīñ hai mirā Thikāna jo terī sīdhī nazar nahīñ hai

jahāñ bhī hai koī miTne vaalā tirī ināyat ke saa.e meñ hai

banā liyā jis ko tū ne apnā jahāñ meñ vo dar-ba-dar nahīñ hai

har ik jagah tū hī jalva-gar hai vo but-kada ho yā tūr-e-sīnā

nigāh-e-duniyā hai kor bātin tirī tajallī kidhar nahīñ hai

yahīñ pe jiinā yahīñ pe marnā yahīñ hai duniyā yahīñ hai uqbā

'fanā' dar-e-yār ke alāva kahīñ hamārā guzar nahīñ hai

haram hai kyā chiz dair kyā hai kisī pe merī nazar nahīñ hai

maiñ tere jalwoñ meñ kho gayā huñ mujhe ab apnī ḳhabar nahīñ hai

jinheñ hai Dar rāh-e-imtihāñ se unheñ abhī ye ḳhabar nahīñ hai

agar karam un kā rāhbar ho kaThin koī rahguzar nahīñ hai

ba-shauq-e-sajda chale haiñ lekin ajib maslak hai āshiqoñ kā

wahāñ ibādat harām Thahrī jahāñ tirā sañg-e-dar nahīñ hai

tirī talab terī aarzū meñ nahīñ mujhe hosh zindagī kā

jhukā huñ yuñ tere āstāñ par ki mujh ko ehsās-e-sar nahīñ hai

tirī nawāzish mirī masarrat mirī tabāhī jalāl terā

kahīñ nahīñ hai mirā Thikāna jo terī sīdhī nazar nahīñ hai

jahāñ bhī hai koī miTne walā tirī ināyat ke sae meñ hai

banā liyā jis ko tū ne apnā jahāñ meñ wo dar-ba-dar nahīñ hai

har ek jagah tū hī jalwa-gar hai wo but-kada ho yā tūr-e-sīnā

nigāh-e-duniyā hai kor bātin tirī tajallī kidhar nahīñ hai

yahīñ pe jinā yahīñ pe marnā yahīñ hai duniyā yahīñ hai uqbā

'fanā' dar-e-yār ke alāwa kahīñ hamārā guzar nahīñ hai