Sufinama

jawani mein ada-e-kam-sini achchhi nahin lagti

Purnam Allahabadi

jawani mein ada-e-kam-sini achchhi nahin lagti

Purnam Allahabadi

MORE BYPurnam Allahabadi

    javānī meñ adā-e-kam-sinī achchhī nahīñ lagtī

    chaman meñ phuul ke aage kalī achchhī nahīñ lagtī

    ijāzat ho to ham is sham.a-e-mahfil ko bujhā Dāleñ

    tumhāre sāmne ye raushnī achchhī nahīñ lagtī

    pareshāñ kis liye haiñ chāñd se ruḳhsār par gesū

    haTā liije ki dhundlī chāñdnī achchhī nahīñ lagtī

    na aap aa.e na kuchh apnī ḳhabar bhejī shab-e-va.ada

    mujhe aisī sharārat aap achchhī nahīñ lagtī

    mujhe pahchān kar mujh se nigāheñ pherne vaale

    sar-e-mahfil ye terī be-ruḳhī achchhī nahīñ lagtī

    ḳhulūs-e-dil se jo hotī hai ḳhālī ye haqīqat hai

    ḳhudā ko shaiḳh-jī vo bandagī achchhī nahīñ lagtī

    ġham-e-jānāñ se dil mānūs jab se ho gayā mujh ko

    hañsī achchhī nahīñ lagtī ḳhushī achchhī nahīñ lagtī

    galī terī burī lagtī nahīñ thī jān-e-jāñ lekin

    nahīñ hai jab se terī galī achchhī nahīñ lagtī

    ḳhushī se maut aa.e ab mujhe marnā gavārā hai

    ga.e vo jab se mujh ko zindagī achchhī nahīñ lagtī

    na chheḌo ham-nashīno shām-e-ġham 'purnam' ko rone do

    musībat meñ kisī dil-lagī achchhī nahīñ lagtī

    jawani mein ada-e-kam-sini achchhi nahin lagti

    chaman mein phul ke aage kali achchhi nahin lagti

    ijazat ho to hum is shama-e-mahfil ko bujha Dalen

    tumhaare samne ye raushni achchhi nahin lagti

    pareshan kis liye hain chand se ruKHsar par gesu

    haTa lije ki dhundli chandni achchhi nahin lagti

    na aap aae na kuchh apni KHabar bheji shab-e-wada

    mujhe aisi shararat aap ki achchhi nahin lagti

    mujhe pahchan kar mujh se nigahen pherne wale

    sar-e-mahfil ye teri be-ruKHi achchhi nahin lagti

    KHulus-e-dil se jo hoti hai KHali ye haqiqat hai

    KHuda ko shaiKH-ji wo bandagi achchhi nahin lagti

    gham-e-jaanan se dil manus jab se ho gaya mujh ko

    hansi achchhi nahin lagti KHushi achchhi nahin lagti

    gali teri buri lagti nahin thi jaan-e-jaan lekin

    nahin hai jab se tu teri gali achchhi nahin lagti

    KHushi se maut aae ab mujhe marna gawara hai

    gae wo jab se mujh ko zindagi achchhi nahin lagti

    na chheDo ham-nashino sham-e-gham 'purnam' ko rone do

    musibat mein kisi ki dil-lagi achchhi nahin lagti

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY