Sufinama

jo miTa hai tere jamal par wo har ek gham se guzar gaya

Fana Bulandshahari

jo miTa hai tere jamal par wo har ek gham se guzar gaya

Fana Bulandshahari

MORE BYFana Bulandshahari

    jo miTā hai tere jamāl par vo har ek ġham se guzar gayā

    huiiñ jis pe terī navāzisheñ vo bahār ban ke sañvar gayā

    tirī mast aañkh ne ai sanam mujhe kyā nazar se pilā diyā

    ki sharāb-ḳhāne ujaḌ ga.e jo nasha chaḌhā thā utar gayā

    tirā ishq hai mirī zindagī tire husn pe maiñ nisār huuñ

    tirā rañg aañkh meñ bas gayā tirā nuur dil meñ utar gayā

    ki ḳhirad fitnagarī vahī luTe hosh chhā ga.ī be-ḳhudī

    vo nigāh-e-mast jahāñ uThī mirā jām-e-zindagī bhar gayā

    dar-e-yār bhī ajiib hai hai ajiib terā ḳhayāl bhī

    rahī ḳham jabīn-e-niyāz bhī mujhe be-niyāz bhī kar gayā

    tire diid se ai sanam chaman ārzuoñ mahak uThā

    tire husn jo havā chalī to junūñ rañg nikhar gayā

    mujhe sab ḳhabar hai mire sanam ki rah-e-'fanā' meñ hayāt hai

    use mil ga.ī na.ī zindagī tire āstāñ pe jo mar gayā

    jo miTa hai tere jamal par wo har ek gham se guzar gaya

    huin jis pe teri nawazishen wo bahaar ban ke sanwar gaya

    teri mast aankh ne ai sanam mujhe kya nazar se pila diya

    ki sharab-KHane ujaD gae jo nasha chaDha tha utar gaya

    tera ishq hai meri zindagi tere husn pe main nisar hun

    tera rang aankh mein bas gaya tera nur dil mein utar gaya

    ki KHirad ki fitnagari wahi luTe hosh chha gai be-KHudi

    wo nigah-e-mast jahan uThi mera jam-e-zindagi bhar gaya

    dar-e-yar tu bhi ajib hai hai ajib tera KHayal bhi

    rahi KHam jabin-e-niyaz bhi mujhe be-niyaz bhi kar gaya

    tere did se ai sanam chaman aarzuon ka mahak uTha

    tere husn ki jo hawa chali to junun ka rang nikhar gaya

    mujhe sab KHabar hai mere sanam ki rah-e-'fana' mein hayat hai

    use mil gai nai zindagi tere aastan pe jo mar gaya

    Source :
    • Book : Diwan-e-Fana (Pg. 62)
    • Author : Fana Bulandshahri
    • Publication : Muzaffar Art Printers, Krachi (1992)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY