Sufinama

kis ghar mein kis hijab mein ai jaan nihan ho tum

Shah Akbar Danapuri

kis ghar mein kis hijab mein ai jaan nihan ho tum

Shah Akbar Danapuri

MORE BYShah Akbar Danapuri

    kis ghar meñ kis hijāb meñ ai jaañ nihāñ ho tum

    ham raah dekhte haiñ tumhārī kahāñ ho tum

    miTne par apne naaz na ho kis tarah mujhe

    maiñ huuñ vo be-nishāñ ki jis ke nishāñ ho tum

    parda-darī aap na kiije gila agar

    ham siina chaak karke dikhā deñ jahāñ ho tum

    donoñ jagah zuhūr barābar hai aap

    zarre meñ āftāb meñ yaksāñ ayaañ ho tum

    ḳhālī nahīñ hai aap ke jalve se koī shai

    dariyā ho aur qatroñ ke andar nihāñ ho tum

    hāzir hai bazm-e-yār meñ sāmān-e-aish sab

    ab kis intizār hai 'akbar' kahāñ ho tum

    kis ghar mein kis hijab mein ai jaan nihan ho tum

    hum rah dekhte hain tumhaari kahan ho tum

    miTne par apne naz na ho kis tarah mujhe

    main hun wo be-nishan ki jis ke nishan ho tum

    parda-dari ka aap na kije gila agar

    hum sina chaak karke dikha den jahan ho tum

    donon jagah zuhur barabar hai aap ka

    zarre mein aaftab mein yaksan ayan ho tum

    KHali nahin hai aap ke jalwe se koi shai

    dariya ho aur qatron ke andar nihan ho tum

    hazir hai bazm-e-yar mein saman-e-aish sab

    ab kis ka intizar hai 'akbar' kahan ho tum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY