Sufinama

uske chehre pe KHuda jaane ye kaisa nur tha

Khwaja Ruknuddin Ishq

uske chehre pe KHuda jaane ye kaisa nur tha

Khwaja Ruknuddin Ishq

MORE BYKhwaja Ruknuddin Ishq

    us ke chehre pe ḳhudā jaane ye kaisā nuur thā

    varna ye dīvāngī kab ishq dastūr thā

    surma-e-vahdat jo khīñchā ishq ne āñkhoñ ke biich

    jaun patthar nazar aayā vo koh-e-tūr thā

    paas aane ko mere ba.ad masāfat kuchh na thī

    ġhaur kar dekhā to maiñ dil se tere duur thā

    lag gayā nāgāh us par ye terā tīr-e-nigāh

    dil shīsha jo baġhal meñ ham ne dekhā chuur thā

    dil ko tere dukh diyā hai 'ishq' kun ne ham se kah

    shoḳh thā be-bāk thā ḳhūñ-ḳhvār thā maġhrūr thā

    us ke chehre pe KHuda jaane ye kaisa nur tha

    warna ye diwangi kab ishq ka dastur tha

    surma-e-wahdat jo khincha ishq ne aankhon ke bich

    jaun sa patthar nazar aaya wo koh-e-tur tha

    pas aane ko mere baad masafat kuchh na thi

    ghaur kar dekha to main hi dil se tere dur tha

    lag gaya nagah us par ye tera tir-e-nigah

    dil ka shisha jo baghal mein hum ne dekha chur tha

    dil ko tere dukh diya hai 'ishq' kun ne hum se kah

    shoKH tha be-bak tha KHun-KHwar tha maghrur tha

    Source :
    • Book : Bihar men Urdu ki Sufiyana Shairi (Pg. 129)
    • Author : Mohammad Tayyab Abdali
    • Publication : Israr Karimi Press Allahabad (1988)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY