aabrū kyā ḳhak us gul kī ki gulshan meñ nahīñ

aabrū kyā ḳhaak us gul kī ki gulshan meñ nahīñ

hai garebāñ nañg-e-pairāhan jo dāman meñ nahīñ

zof se ai girya kuchh baaqī mire tan meñ nahīñ

rañg ho kar uḌ gayā jo ḳhuuñ ki dāman meñ nahīñ

ho ga.e haiñ jamā ajzā-e-nigāh-e-āftāb

zarre us ke ghar kī dīvāroñ ke rauzan meñ nahīñ

kyā kahūñ tārīki-e-zindān-e-ġham andher hai

pamba nūr-e-sub.h se kam jis ke rauzan meñ nahīñ

raunaq-e-hastī hai ishq-e-ḳhāna vīrāñ saaz se

anjuman be-shamā hai gar barq ḳhirman meñ nahīñ

zaḳhm silvāne se mujh par chārā-juī kā hai taan

ġhair samjhā hai ki lazzat zaḳhm-e-sozan meñ nahīñ

bas-ki haiñ ham ik bahār-e-nāz ke maare hue

jalva-e-gul ke sivā gard apne madfan meñ nahīñ

qatra qatra ik hayūlā hai na.e nāsūr kā

ḳhuuñ bhī zauq-e-dard se fāriġh mire tan meñ nahīñ

le ga.ī saaqī kī naḳhvat qulzum-āshāmī mirī

mauj-e-mai kī aaj rag miinā kī gardan meñ nahīñ

ho fishār-e-zof meñ kyā nā-tavānī kī numūd

qad ke jhukne kī bhī gunjā.ish mire tan meñ nahīñ

thī vatan meñ shaan kyā 'ġhālib' ki ho ġhurbat meñ qadr

be-takalluf huuñ vo musht-e-ḳhas ki gulḳhan meñ nahīñ

aabrū kyā ḳhak us gul kī ki gulshan meñ nahīñ

hai garebāñ nañg-e-pairāhan jo dāman meñ nahīñ

zof se ai girya kuchh baqī mere tan meñ nahīñ

rañg ho kar uḌ gayā jo ḳhuñ ki dāman meñ nahīñ

ho gae haiñ jamā ajzā-e-nigāh-e-āftāb

zarre us ke ghar kī dīwāroñ ke rauzan meñ nahīñ

kyā kahūñ tārīki-e-zindān-e-ġham andher hai

pamba nūr-e-subh se kam jis ke rauzan meñ nahīñ

raunaq-e-hastī hai ishq-e-ḳhāna wīrāñ saz se

anjuman be-shamā hai gar barq ḳhirman meñ nahīñ

zaḳhm silwāne se mujh par chārā-juī kā hai tan

ġhair samjhā hai ki lazzat zaḳhm-e-sozan meñ nahīñ

bas-ki haiñ hum ek bahār-e-nāz ke mare hue

jalwa-e-gul ke siwā gard apne madfan meñ nahīñ

qatra qatra ek hayūlā hai nae nāsūr kā

ḳhuñ bhī zauq-e-dard se fāriġh mere tan meñ nahīñ

le gaī saqī kī naḳhwat qulzum-āshāmī mirī

mauj-e-mai kī aaj rag minā kī gardan meñ nahīñ

ho fishār-e-zof meñ kyā nā-tawānī kī numūd

qad ke jhukne kī bhī gunjāish mere tan meñ nahīñ

thī watan meñ shan kyā 'ġhālib' ki ho ġhurbat meñ qadr

be-takalluf huñ wo musht-e-ḳhas ki gulḳhan meñ nahīñ