aah ko chāhiye ek umr asar hote tak

aah ko chāhiye ik umr asar hote tak

kaun jiitā hai tirī zulf ke sar hote tak

dām-e-har-mauj meñ hai halqa-e-sad-kām-e-nahañg

dekheñ kyā guzre hai qatre pe guhar hote tak

āshiqī sabr-talab aur tamannā betāb

dil kā kyā rañg karūñ ḳhūn-e-jigar hote tak

tā-qayāmat shab-e-furqat meñ guzar jā.egī umr

saat din ham pe bhī bhārī haiñ sahar hote tak

ham ne maanā ki taġhāful na karoge lekin

ḳhaak ho jā.eñge ham tum ko ḳhabar hote tak

partav-e-ḳhur se hai shabnam ko fanā kī ta.alīm

maiñ bhī huuñ ek ināyat kī nazar hote tak

yak nazar besh nahīñ fursat-e-hastī ġhāfil

garmī-e-bazm hai ik raqs-e-sharar hote tak

ġham-e-hastī kā 'asad' kis se ho juz marg ilaaj

sham.a har rañg meñ jaltī hai sahar hote tak

aah ko chāhiye ek umr asar hote tak

kaun jitā hai tirī zulf ke sar hote tak

dām-e-har-mauj meñ hai halqa-e-sad-kām-e-nahañg

dekheñ kyā guzre hai qatre pe guhar hote tak

āshiqī sabr-talab aur tamannā betāb

dil kā kyā rañg karūñ ḳhūn-e-jigar hote tak

tā-qayāmat shab-e-furqat meñ guzar jāegī umr

sat din hum pe bhī bhārī haiñ sahar hote tak

hum ne manā ki taġhāful na karoge lekin

ḳhak ho jāeñge hum tum ko ḳhabar hote tak

partaw-e-ḳhur se hai shabnam ko fanā kī talīm

maiñ bhī huñ ek ināyat kī nazar hote tak

yak nazar besh nahīñ fursat-e-hastī ġhāfil

garmī-e-bazm hai ek raqs-e-sharar hote tak

ġham-e-hastī kā 'asad' kis se ho juz marg ilaj

shama har rañg meñ jaltī hai sahar hote tak