Font by Mehr Nastaliq Web
Sufinama

ai jazba-e-dil gar maiñ chāhūñ har chiz muqābil aa jae

Behzad Lakhnavi

ai jazba-e-dil gar maiñ chāhūñ har chiz muqābil aa jae

Behzad Lakhnavi

MORE BYBehzad Lakhnavi

    ai jazba-e-dil gar maiñ chāhūñ har chiiz muqābil aa jaa.e

    manzil ke liye do gaam chalūñ aur sāmne manzil aa jaa.e

    ai dil lagī chal yūñhī sahī chaltā to huuñ un mahfil meñ

    us vaqt mujhe chauñkā denā jab rañg pe mahfil aa jaa.e

    ai rahbar-e-kāmil chalne ko tayyār to huuñ par yaad rahe

    us vaqt mujhe bhaTkā denā jab sāmne manzil aa jaa.e

    haañ yaad mujhe tum kar lenā āvāz mujhe tum de lenā

    is rāh-e-mohabbat meñ koī darpesh jo mushkil aa jaa.e

    ab kyuuñ DhūñDūñ vo chashm-e-karam hone de sitam bālā-e-sitam

    maiñ chāhtā huuñ ai jazba-e-ġham mushkil pas-e-mushkil aa jaa.e

    is jazba-e-dil ke baare meñ ik mashvara tum se letā huuñ

    us vaqt mujhe kyā lāzim hai jab tujh pe mirā dil aa jaa.e

    ai barq-e-tajallī kauñdh zarā kyā mujh ko bhī muusā samjhā hai

    maiñ tuur nahīñ jo jal jā.ūñ jo chāhe muqābil aa jaa.e

    kashtī ko ḳhudā par chhoḌ bhī de kashtī ḳhudā ḳhud hāfiz hai

    mushkil to nahīñ in maujoñ meñ bahtā huā sāhil aa jaa.e

    ai jazba-e-dil gar maiñ chāhūñ har chiz muqābil aa jae

    manzil ke liye do gam chalūñ aur sāmne manzil aa jae

    ai dil lagī chal yūñhī sahī chaltā to huñ un mahfil meñ

    us waqt mujhe chauñkā denā jab rañg pe mahfil aa jae

    ai rahbar-e-kāmil chalne ko tayyār to huñ par yaad rahe

    us waqt mujhe bhaTkā denā jab sāmne manzil aa jae

    hañ yaad mujhe tum kar lenā āwāz mujhe tum de lenā

    is rāh-e-mohabbat meñ koī darpesh jo mushkil aa jae

    ab kyuñ DhūñDūñ wo chashm-e-karam hone de sitam bālā-e-sitam

    maiñ chāhtā huñ ai jazba-e-ġham mushkil pas-e-mushkil aa jae

    is jazba-e-dil ke bare meñ ek mashwara tum se letā huñ

    us waqt mujhe kyā lāzim hai jab tujh pe mirā dil aa jae

    ai barq-e-tajallī kauñdh zarā kyā mujh ko bhī musā samjhā hai

    maiñ tur nahīñ jo jal jāūñ jo chāhe muqābil aa jae

    kashtī ko ḳhudā par chhoḌ bhī de kashtī ḳhudā ḳhud hāfiz hai

    mushkil to nahīñ in maujoñ meñ bahtā huā sāhil aa jae

    Videos
    This video is playing from YouTube

    Videos
    This video is playing from YouTube

    Nayyara Noor

    Nayyara Noor

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now