har nazar kanp uTThegi mahshar ke din KHauf se har kaleja dahal jaega

har nazar kaañp uTThegī mahshar ke din ḳhauf se har kaleja dahal jā.egā

par ye nāzāñ ke bande kā dekheñge sab thaam kar un kā dāman machal jā.egā

mauj katrā ke ham se chalī jā.egī ruḳh muḳhālif havā kā badal jā.egā

jab ishāra kareñge vo nām-e-ḳhudā apnā beḌā bhañvar se nikal jā.egā

yuuñ to jiitā huuñ hukm-e-ḳhudā se magar mere dil kī hai un ko yaqīnan ḳhabar

hāsil-e-zindagī hogā vo din mirā un ke qadmoñ pe jab dam nikal jā.egā

rabbe sallim vo farmāne vaale mile kyuuñ satāte haiñ ai dil tujhe vasvase

pul se guzreñge ham vajd karte hue kaun kahtā hai paañv phisal jā.egā

'aḳhtar'-e-ḳhasta kyuuñ itnā bechain hai terā aaqā shahanshāh-e-kaunain hai

lau lagā to sahī shāh-e-laulāk se ġham masarrat ke sāñche meñ Dhal jā.egā

har nazar kanp uTThegi mahshar ke din KHauf se har kaleja dahal jaega

par ye nazan ke bande ka dekhenge sab tham kar un ka daman machal jaega

mauj katra ke hum se chali jaegi ruKH muKHalif hawa ka badal jaega

jab ishaara karenge wo nam-e-KHuda apna beDa bhanwar se nikal jaega

yun to jita hun hukm-e-KHuda se magar mere dil ki hai un ko yaqinan KHabar

hasil-e-zindagi hoga wo din mera un ke qadmon pe jab dam nikal jaega

rabbe sallim wo farmane wale mile kyun satate hain ai dil tujhe waswase

pul se guzrenge hum wajd karte hue kaun kahta hai panw phisal jaega

'aKHtar'-e-KHasta kyun itna bechain hai tera aaqa shahanshah-e-kaunain hai

lau laga to sahi shah-e-laulak se gham masarrat ke sanche mein Dhal jaega