mujhe kal apni baKHshish ka yaqin hai

mujhe kal apnī baḳhshish kā yaqīñ hai

mohabbat un kī dil meñ jā-nashīñ hai

dar-e-ahmad pe ab merī jabīñ hai

mujhe kuchh fikr-e-do-'ālam nahīñ hai

maiñ huuñ aur yād-e-sarkār-e-madīna

ye duniyā dil kī kis darja hasīñ hai

bahāreñ yuuñ to jannat meñ haiñ lākhoñ

fazā-e-dasht-e-taiba par nahīñ hai

maiñ vasf-e-māh-e-taiba kar rahā huuñ

balā se gar koī chīñ-bar-jabīñ hai

'abas jaatā hai tū ġhairoñ kī jānib

ki bāb-e-rahmat-e-rahaimāñ nahīñ hai

gunahgāro na ghabrāo ki apnī

shafā'at ko shafī'-ul-muznabīñ hai

qarīb-e-nafs meñ hamdam na aanā

bache rahnā ye mār-e-āstīñ hai

zarā āhista chal au chalne vaale

ki is jā 'aḳhtar'-e-ḳhasta dafīñ hai

mujhe kal apni baKHshish ka yaqin hai

mohabbat un ki dil mein ja-nashin hai

dar-e-ahmad pe ab meri jabin hai

mujhe kuchh fikr-e-do-'alam nahin hai

main hun aur yaad-e-sarkar-e-madina

ye duniya dil ki kis darja hasin hai

bahaaren yun to jannat mein hain lakhon

faza-e-dasht-e-taiba par nahin hai

main wasf-e-mah-e-taiba kar raha hun

bala se gar koi chin-bar-jabin hai

'abas jata hai tu ghairon ki jaanib

ki bab-e-rahmat-e-rahaiman nahin hai

gunahgaro na ghabrao ki apni

shafa'at ko shafi'-ul-muznabin hai

qarib-e-nafs mein hamdam na aana

bache rahna ye mar-e-astin hai

zara aahista chal au chalne wale

ki is ja 'aKHtar'-e-KHasta dafin hai