ruh-e-rawan naghma tum naghmon ka soz saz mein

rūh-e-ravāñ naġhma tum naġhmoñ kā soz saaz meñ

jān-e-kHayāl-o-kHvāb tum jān-e-jahān-e-nāz meñ

hāmil-e-kaif-o-nāz tum hāmil-e-soz-o-sāz meñ

ek jahān-e-rāz tum ek jahān-e-rāz maiñ

maanā ki tum ho jān-e-ishq maiñ bhī to jān-e-husn huuñ

tum ho jo jaan ġhaznavī ruuh tan ayaaz meñ

manzil-e-husn-o-ishq meñ donoñ kā martaba hai ek

aap sitam-tarāz haiñ aur sitam-navāz maiñ

sañg dar jamāl ho yā ke ho naqsh paa.e dost

sajdoñ se baaz rah sakūñ rah sakūñ vo bhī baaz maiñ

shān-e-karam hī ḳhuub hai shān-e-talab bhī ḳhuub hai

jān-e-gadā bane haiñ aap jān-e-gadā-navāz maiñ

dekhiye merī shaan hai aap kī shaan hai buland

aap bane haiñ rāz-dār aur banā huuñ raaz maiñ

tum se jahān-e-rañg-o-bū mujh se jahān-e-dard-o-ġham

husn-e-karishma-sāz tum ishq-e-karishmā-sāz maiñ

ruh-e-rawan naghma tum naghmon ka soz saz mein

jaan-e-kHayal-o-kHwab tum jaan-e-jahan-e-naz mein

hamil-e-kaif-o-naz tum hamil-e-soz-o-saz mein

ek jahan-e-raaz tum ek jahan-e-raaz main

mana ki tum ho jaan-e-ishq main bhi to jaan-e-husn hun

tum ho jo jaan ghaznawi ruh tan ayaz mein

manzil-e-husn-o-ishq mein donon ka martaba hai ek

aap sitam-taraaz hain aur sitam-nawaz main

sang dar jamal ho ya ke ho naqsh pae dost

sajdon se baz rah sakun rah sakun wo bhi baz main

shan-e-karam hi KHub hai shan-e-talab bhi KHub hai

jaan-e-gada bane hain aap jaan-e-gada-nawaz main

dekhiye meri shan hai aap ki shan hai buland

aap bane hain raaz-dar aur bana hun raaz main

tum se jahan-e-rang-o-bu mujh se jahan-e-dard-o-gham

husn-e-karishma-saz tum ishq-e-karishma-saz main