mera hosh gardish-e-jam tak mera nasha-e-subh se sham tak

mirā hosh gardish-e-jām tak mirā nashā-e-sub.h se shaam tak

mirā kaif tere sukūn tak mirī zindagī tire naam tak

mirī bandagī kī haqīqateñ mirī bandagī se na pūchhiye

na sujūd tak haiñ ye munhasir na ye munhasir haiñ qiyām tak

tumheñ apne husn kā vāsta zarā husn kī usī shaan se

usī rañg se usī aan se chale aao manzar-e-ām tak

hai vujūd-e-ālam-e-āgahī hai vujūd-e-ālam-e-be-kHudī

hai vujūd a.alam-e-hosh bhī faqat ek laġhzish-e-gām tak

mirī tauba tauba kahāñ rahī na yañh rahī na vahāñ rahī

mirī tauba tauba jo rah sakī to rahī hai gardish-e-jām tak

jo jamāl kī tire ibtidā hai nizām-e-dahr kī sub.h se

tū mire bhī ishq kī intihā hai nizām-e-dahr kī shaam tak

mujhe un ke husn se kyā ġharaz mujhe un ke zikr se fā.eda

mujhe un ke naam se vāsta ki nahīñ payām-o-salām tak

mera hosh gardish-e-jam tak mera nasha-e-subh se sham tak

mera kaif tere sukun tak meri zindagi tere nam tak

meri bandagi ki haqiqaten meri bandagi se na pūchhiye

na sujud tak hain ye munhasir na ye munhasir hain qiyam tak

tumhein apne husn ka wasta zara husn ki usi shan se

usi rang se usi aan se chale aao manzar-e-am tak

hai wujud-e-alam-e-agahi hai wujud-e-alam-e-be-kHudi

hai wujud aalam-e-hosh bhi faqat ek laghzish-e-gam tak

meri tauba tauba kahan rahi na yanh rahi na wahan rahi

meri tauba tauba jo rah saki to rahi hai gardish-e-jam tak

jo jamal ki tere ibtida hai nizam-e-dahr ki subh se

tu mere bhi ishq ki intiha hai nizam-e-dahr ki sham tak

mujhe un ke husn se kya gharaz mujhe un ke zikr se faeda

mujhe un ke nam se wasta ki nahin payam-o-salam tak