Sufinama

dil hua teri nazar se faizyab

Zaheen Shah Taji

dil hua teri nazar se faizyab

Zaheen Shah Taji

MORE BYZaheen Shah Taji

    dil huā terī nazar se faizyāb

    maiñ terā jalva na merā hijāb

    tum hasīnān-e-jahāñ meñ muntaḳhab

    aur merā dil tumhārā intiḳhāb

    un ko mujh se mujh ko un hai hijāb

    dekhiye pahle uThe kis naqāb

    sarzamīn-e-dil meñ sar-garm-e-safar

    the hazāroñ chāñd lākhoñ āftāb

    mauj zāhir hai ki pech-o-tāb-e-mauj

    mauj kyā hai dar-haqīqat pech-o-tāb

    vo jise duniyā samajhtī hai sukūñ

    dar-haqīqat hai kamāl-e-izerāb

    ḳhaak ban kar kū-e-jānāñ meñ rahe

    aadmī ko varna miTTī hai ḳharāb

    tābkai aa kar nizā-e-kufr-o-dīñ

    tum uThā do rū-e-rañgīñ se naqāb

    ḳhāksārī ham ko zebā hai 'zhīn'

    ham ki haiñ dildār-gān-bu-tururāb

    dil hua teri nazar se faizyab

    main tera jalwa na tu mera hijab

    tum hasinan-e-jahan mein muntaKHab

    aur mera dil tumhaara intiKHab

    un ko mujh se mujh ko un hai hijab

    dekhiye pahle uThe kis ka naqab

    sarzamin-e-dil mein sar-garm-e-safar

    the hazaron chand lakhon aaftab

    mauj zahir hai ki pech-o-tab-e-mauj

    mauj kya hai dar-haqiqat pech-o-tab

    wo jise duniya samajhti hai sukun

    dar-haqiqat hai kamal-e-izerab

    KHak ban kar ku-e-jaanan mein rahe

    aadmi ko warna miTTi hai KHarab

    tabkai aa kar niza-e-kufr-o-din

    tum uTha do ru-e-rangin se naqab

    KHaksari hum ko zeba hai 'zhin'

    hum ki hain dildar-gan-bu-tururab

    Source :
    • Book : Aayat-e-Jamaal (Pg. 57)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY