habib-e-KHuda ka nazara karun main

habīb-e-ḳhudā kā nazārā karūñ maiñ

dil-o-jān un par nisār karūñ maiñ

tirā kafsh-e-pā yuuñ sañvārā karūñ maiñ

ki palkoñ se us ko bahārā karūñ maiñ

tirī rahmateñ aam haiñ phir bhī pyāre

ye sadmāt-e-furqat sahārā karūñ maiñ

mujhe apnī rahmat se to apnā kare

sivā tere sab se kinārā karūñ maiñ

maiñ kyuuñ ġhair kī Thokareñ khāne jā۔ūñ

tire dar se apnā guzāra karūñ maiñ

tire naam par sar ko qurbān kar bhī

tire sar se sadqa utārā karūñ maiñ

dam-e-vāpsīñ tak tire giit gā.ūñ

mahammad mahammad pukārā karūñ maiñ

ḳhudā ḳhair se laa.e vo din bhī 'nūrī'

madīne kī galiyāñ bahārā karūñ maiñ

habib-e-KHuda ka nazara karun main

dil-o-jaan un par nisar karun main

tera kafsh-e-pa yun sanwara karun main

ki palkon se us ko bahaara karun main

teri rahmaten aam hain phir bhi pyare

ye sadmat-e-furqat sahaara karun main

mujhe apni rahmat se to apna kare

siwa tere sab se kinara karun main

main kyun ghair ki Thokaren khane ja۔un

tere dar se apna guzara karun main

tere nam par sar ko qurban kar bhi

tere sar se sadqa utara karun main

dam-e-wapsin tak tere git gaun

mahammad mahammad pukara karun main

KHuda KHair se lae wo din bhi 'nuri'

madine ki galiyan bahaara karun main