har ek baat pe kahte ho tum ki tū kyā hai

har ek baat pe kahte ho tum ki tū kyā hai

tumhīñ kaho ki ye andāz-e-guftugū kyā hai

na sho.ale meñ ye karishma na barq meñ ye adā

koī batāo ki vo shoḳh-e-tund-ḳhū kyā hai

ye rashk hai ki vo hotā hai ham-suḳhan tum se

vagarna ḳhauf-e-bad-āmozi-e-adū kyā hai

chipak rahā hai badan par lahū se pairāhan

hamāre jaib ko ab hājat-e-rafū kyā hai

jalā hai jism jahāñ dil bhī jal gayā hogā

kuredte ho jo ab raakh justujū kyā hai

ragoñ meñ dauḌte phirne ke ham nahīñ qaa.il

jab aañkh hī se na Tapkā to phir lahū kyā hai

vo chiiz jis ke liye ham ko ho bahisht aziiz

sivā.e bāda-e-gulfām-e-mushk-bū kyā hai

piyūñ sharāb agar ḳhum bhī dekh luuñ do-chār

ye shīsha o qadah o kuuza o subū kyā hai

rahī na tāqat-e-guftār aur agar ho bhī

to kis umiid pe kahiye ki aarzū kyā hai

huā hai shah kā musāhib phire hai itrātā

vagarna shahr meñ 'ġhālib' kī aabrū kyā hai

har ek baat pe kahte ho tum ki tū kyā hai

tumhīñ kaho ki ye andāz-e-guftugū kyā hai

na shoale meñ ye karishma na barq meñ ye adā

koī batāo ki wo shoḳh-e-tund-ḳhū kyā hai

ye rashk hai ki wo hotā hai ham-suḳhan tum se

wagarna ḳhauf-e-bad-āmozi-e-adū kyā hai

chipak rahā hai badan par lahū se pairāhan

hamāre jaib ko ab hājat-e-rafū kyā hai

jalā hai jism jahāñ dil bhī jal gayā hogā

kuredte ho jo ab rakh justujū kyā hai

ragoñ meñ dauḌte phirne ke hum nahīñ qail

jab aañkh hī se na Tapkā to phir lahū kyā hai

wo chiz jis ke liye hum ko ho bahisht aziz

siwāe bāda-e-gulfām-e-mushk-bū kyā hai

piyūñ sharāb agar ḳhum bhī dekh luñ do-chār

ye shīsha o qadah o kuza o subū kyā hai

rahī na tāqat-e-guftār aur agar ho bhī

to kis umid pe kahiye ki aarzū kyā hai

huā hai shah kā musāhib phire hai itrātā

wagarna shahr meñ 'ġhālib' kī aabrū kyā hai