dil ki aankhon se nazar aaya hai jalwa tera

dil kī āñkhoñ se nazar aayā hai jalva terā

mar ke bhī zinda-e-jāved hai shaidā terā

chaman jaan meñ hai magar ai gul-e-rā'nā terā

dil par shor banā bulbul-e-shaidā terā

sar nahīñ paañv hai jis meñ nahīñ saudā terā

dil nahīñ ḳhaak hai jis meñ na ho khaTkā terā

mujh ko tahqīq se matlab nahīñ sīdhī hai ye baat

tū ḳhudāvand hai be-shub.h huuñ bandā terā

jis taraf dekhe dil meñ samāyā hai

chashm-e-sar se nazar aatā hai tamāshā terā

dil maz.har-e-jānāñ hai aur ruuh ko hotī hai ḳhushī

jis ghaḌī naam zabāñ par mirī aayā terā

dil ki aankhon se nazar aaya hai jalwa tera

mar ke bhi zinda-e-jawed hai shaida tera

chaman jaan mein hai magar ai gul-e-ra'na tera

dil par shor bana bulbul-e-shaida tera

sar nahin panw hai jis mein nahin sauda tera

dil nahin KHak hai jis mein na ho khaTka tera

mujh ko tahqiq se matlab nahin sidhi hai ye baat

tu KHudawand hai be-shubh hun banda tera

jis taraf dekhe dil mein samaya hai

chashm-e-sar se nazar aata hai tamasha tera

dil mazhar-e-jaanan hai aur ruh ko hoti hai KHushi

jis ghaDi nam zaban par meri aaya tera