کیوں نہ اشک بار ہوا کروں کیوں نہ بیقرار رہا کروں

کیوں نہ اشک بار ہوا کروں کیوں نہ بیقرار رہا کروں

نہ قرار آئے تیرے سوا تو تو ہی بتا کے میں کیا کروں

تجھے فکر درماں ہے چارہ گر مجھے درد اپنا عزیز ہے

یہ نشانی دی ہے حبیب نے اسے کیسے دل سے جدا کروں

مرے دل کو درد عطا کیا مجھے درد والا بنا دیا

ترا شکر یہ مرے دلربا میں کروں تو کیسے ادا کروں

مری زیست کا ہو یہ مدعا مری موت کا یہ مآل ہو

ترے واسطے مری موت ہو ترے واسطے میں جیا کروں

مجھے خادمؔ اس کی جو دید ہو تو مراد دل کی نصیب ہو

کبھی صدقے جان حزیں کروں کبھی دل کو اپنے فدا کروں