mangte Khaali hath na lauTe kitni mili KHairaat na puchho

mañgte ḳhālī haath na lauTe kitnī milī ḳhairāt na pūchho

un kā karam phir un kā karam hai un ke karam kī baat na pūchho

kunto-kanzan rāz-e-mashiyyat jalva-e-asrā nūr-e-hidāyat

jagmag jagmag donoñ 'ālam kaisī hai vo zaat na pūchho

'ishq-e-nabī kaunain kī daulat 'ishq-e-nabī baḳhshish kī zamānat

us se baḌh kar dast-e-talab meñ hai bhī koī sauġhāt na pūchho

rashk-e-jināñ taiba kī galiyāñ har zarra firdaus badāmāñ

chāroñ taraf anvār kā 'ālam rahmat kī barsāt na pūchho

zāhir meñ taskīn-e-dil-o-jāñ bātin meñ me’rāj-e-dil-o-jāñ

nām-e-nabī phir nām-e-nabī hai nām-e-nabī kī baat na pūchho

haal agar kuchh apnā sunāyā un ke karam kā shikva hogā

maiñ apne hālāt meñ ḳhush huuñ mujh se mire hālāt na pūchho

tāj-e-shafā'at sar par pahne hashr kā dūlhā aa pahuñchā hai

āñkheñ kholo ġhaur se dekho kis kī hai bārāt na pūchho

maiñ kyā aur kyā merī haqīqat sab kuchh hai sarkār kī nisbat

maiñ to burā huuñ lekin merī laaj hai kis ke haath na pūchho

'ḳhālid' maiñ sirf itnā kahūñgā jaag uThā ashkoñ kā muqaddar

'ishq-e-nabī meñ rote-rote kaise kaTī hai raat na pūchho

mangte KHali hath na lauTe kitni mili KHairaat na puchho

un ka karam phir un ka karam hai un ke karam ki baat na puchho

kunto-kanzan raaz-e-mashiyyat jalwa-e-asra nur-e-hidayat

jagmag jagmag donon 'alam kaisi hai wo zat na puchho

'ishq-e-nabi kaunain ki daulat 'ishq-e-nabi baKHshish ki zamanat

us se baDh kar dast-e-talab mein hai bhi koi saughat na puchho

rashk-e-jinan taiba ki galiyan har zarra firdaus badaman

chaaron taraf anwar ka 'alam rahmat ki barsat na puchho

zahir mein taskin-e-dil-o-jaan baatin mein me’raj-e-dil-o-jaan

nam-e-nabi phir nam-e-nabi hai nam-e-nabi ki baat na puchho

haal agar kuchh apna sunaya un ke karam ka shikwa hoga

main apne haalat mein KHush hun mujh se mere haalat na puchho

taj-e-shafa'at sar par pahne hashr ka dulha aa pahuncha hai

aankhen kholo ghaur se dekho kis ki hai baraat na puchho

main kya aur kya meri haqiqat sab kuchh hai sarkar ki nisbat

main to bura hun lekin meri laj hai kis ke hath na puchho

'KHalid' main sirf itna kahunga jag uTha ashkon ka muqaddar

'ishq-e-nabi mein rote-rote kaise kaTi hai raat na puchho