KHayal kar ke jo maine dekha usi ki surat chamak rahi hai

ḳhayāl kar ke jo maiñ ne dekhā usī kī sūrat chamak rahī hai

usī kā naqsha hai chār-jānib usī kī rañgat damak rahī hai

tumhāre faiz-e-qadam se jaanā huā hai sarsabz bāġh-e-ālam

tamām is gulshan-e-jahāñ meñ tumhārī ḳhushbū mahak rahī hai

na dard jā.egā chārā-sāzo abas tumhārī hai fikr-o-koshish

kisī hasīñ kī ye nok-e-mizhgāñ hamāre dil meñ khaTak rahī hai

ye bāġh-e-ālam meñ rañg dekhā koī hai ġhamgīñ koī hai ḳhandāñ

kahīñ hai shor-o-fuġhāñ kahīñ pe bulbul chahak rahī hai

ajab tarah kī ye kashmakash hai ki ham ko hai intizār-e-jānāñ

kamar ko bāñdho uThāo bistar ajal sirhāne ye bak rahī hai

basī guloñ meñ usī kī bū hai parī-vashoñ meñ usī ki ḳhū hai

butoñ ke parde meñ dekh 'aughaT' usī kī sūrat jhalak rahī hai

KHayal kar ke jo main ne dekha usi ki surat chamak rahi hai

usi ka naqsha hai chaar-jaanib usi ki rangat damak rahi hai

tumhaare faiz-e-qadam se jaana hua hai sarsabz bagh-e-alam

tamam is gulshan-e-jahan mein tumhaari KHushbu mahak rahi hai

na dard jaega chaara-sazo abas tumhaari hai fikr-o-koshish

kisi hasin ki ye nok-e-mizhgan hamare dil mein khaTak rahi hai

ye bagh-e-alam mein rang dekha koi hai ghamgin koi hai KHandan

kahin hai shor-o-fughan kahin pe bulbul chahak rahi hai

ajab tarah ki ye kashmakash hai ki hum ko hai intizar-e-jaanan

kamar ko bandho uThao bistar ajal sirhane ye bak rahi hai

basi gulon mein usi ki bu hai pari-washon mein usi ki KHu hai

buton ke parde mein dekh 'aughaT' usi ki surat jhalak rahi hai