mamur ho raha hai aalam mein nur tera

ma.amūr ho rahā hai a.alam meñ nuur terā

az mā-tā-ba-māhī sab hai zuhūr terā

asrār-e-ahmadī se āgāh ho so jaane

tū nūr-e-har sharar hai har sañg-e-tūr terā

har aañkh tak rahī hai tere hī muñh ko pyāre

har kaan meñ huuñ paatā ma.amūr-e-shor terā

jab jī meñ ye samā.ī jo kuchh ke hai so tū hai

phir dil se duur kab ho qurb-o-huzūr terā

bhātā nahīñ hai vaa.iz juz-dīd-e-haq mujhe kuchh

tujh ko rahe mubārak hūr-o-qusūr terā

vahdat ke haiñ hī jalve naqsh-o-nigār-e-kasrat

gar sirr-e-ma.arifat ko paave shu.ūr terā

gar harf-e-beniyāzī sarzad 'niyāz' se ho

putle meñ ḳhaak ke hai pyāre ġhurūr terā

mamur ho raha hai aalam mein nur tera

az ma-ta-ba-mahi sab hai zuhur tera

asrar-e-ahmadi se aagah ho so jaane

tu nur-e-har sharar hai har sang-e-tur tera

har aankh tak rahi hai tere hi munh ko pyare

har kan mein hun pata mamur-e-shor tera

jab ji mein ye samai jo kuchh ke hai so tu hai

phir dil se dur kab ho qurb-o-huzur tera

bhata nahin hai waiz juz-did-e-haq mujhe kuchh

tujh ko rahe mubarak hur-o-qusur tera

wahdat ke hain hi jalwe naqsh-o-nigar-e-kasrat

gar sirr-e-marifat ko pawe shuur tera

gar harf-e-beniyazi sarzad 'niyaz' se ho

putle mein KHak ke hai pyare ghurur tera